Koronavirus pandemiyasi sabab trenerlar uchun ruxsatnomalar muddati uzaytiriladi

O'z navbatida, bugungi kunda trenerlarimiz tomonidan yuzaga kelayotgan qator savollarga ham javob berilib, barcha masalalar ijobiy hal qilinmoqda.

Malumki, belgilangan hujjatlarda trenerlik faoliyati bilan shug'ullanish uchun nomzodlar maxsus ruxsatnomalar olishi talab etiladi. Muddatli beriladigan mazkur hujjatga ega va yaqin orada foydalanish vaqti yakuniga etadigan ushbu ruxsatnomalar 2020 yilning 31 dekabr kunigacha amal qilinishi aytib o'tildi.

Bu haqida O'zbekiston Respublikasi Bosh vaziri tomonidan tasdiqlangan O'zbekiston Respublikasiga koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo'yicha respublika maxsus komissiya yig'ilishining bayonida (#19) malum qilindi. 18 aprel kuni imzolangan ushbu bayonning 24-bandida shunday deyilgan:

“Jismoniy tarbiya va sport vazirligi (Nabiev)ning trenerlik faoliyati bilan shug'ullanish uchun ruxsatnoma muddati tugagan trenerlarning ruxsatnoma muddatini joriy yilning 31 dekabriga qadar uzaytirish to'g'risidagi takliflariga rozilik berilsin”.