17 jan 09:09
Yangiliklar

Boks/MMA

Kubrat Pulev Joshuaga qarshi jangini anons qildi + FOTO

Bolgariyalik superog'ir vazn toifasidagi bokschi Kubrat Pulev keyingi raqibi WBA, WBO, IBF va IBO yo'nalishlari chempioni Entoni Joshua bo'lishini malum qildi.

Pulev Facebook sahifasida xabar qoldirib, jangning may oyida Turkiyaning Istanbul shahrida o'tkazilishini oshkor qilgan. Lekin hozircha jangning aniq sanasi ko'rsatilmagan.

Bo'lajak jangda Entoni Joshua o'ziga tegishli bo'lgan IBF chempionlik kamarini himoya qilishi shart. Aynan Kubrat Pulev ushbu chempionlik kamariga rasmiy va shu bilan birga majburiy davogar hisoblanadi.

Malumot uchun, har ikkala bokschi ham faoliyatlarida bir marotabadan mag'lubiyat alamini totib ko'rishgan. Joshua hisobida 23 g'alaba (21 nokaut), Pulevda 28 g'alaba (14 nokaut) bor.