Kutilmagan transfer: Kerroll Franciya klubiga o'tishi mumkin

CHempionshipning so'nggi natijalariga ko'ra, "Reding" 22-o'rinni egallab, ligada jon saqlab qola olmadi. Jurnalist Santi Aunaning yozishicha, endilikda Angliya terma jamoasi sobiq hujumchisi Franciyada ish topishi mumkin: 34 yoshli futbolchi Liga 2'da o'ynayotgan "Amen"da tibbiy ko'rikdan o'tgan. Tomonlar kelishuvga erishishga yaqin turibdi.

Endryu Kerroll "Liverpul", "Vest Xem" va "Nyukasl"dagi o'yinlari bilan tanilgan. Futbolchi 2022 yilning sentyabridan beri "Reding" sharafini himoya qilib kelayotgandi. Transfermarkt portali angliyalikni 300 000 evroga baholamoqda.