Laylo Sobirova Osiyo chempionati finaliga chiqdi, yana uch nafar hamyurtimiz bronza uchun kurashadi

Quvonarlisi, bugun ham O'zbekiston terma jamoasi azosi kechki dasturda chempionlik uchun bellashadi.

-57 kg vazn toifasida kurashayotgan Laylo Sobirova chorak finalda qozog'istonlik Nilufar Raimovani, yarim finalda qirg'izistonlik Bermet Nuridin kizini katta qiyinchiliksiz mag'lubiyatga uchratishga erishdi. Endi u oltin medal uchun 2021 yilgi jahon chempionati sovrindori yaponiyalik Nanjo Saega qarshi bahs olib boradi. SHuningdek, Aktenge Keunimjaeva (-53 kg), Dilfuza Aimbetova (-62 kg) hamda Svetlana Oqnazarova (-72 kg) bronza medali uchun kurashishadi.

Final:

-57 kg: Laylo Sobirova – Nanjo Sae (Yaponiya) 

Bronza medali uchun:

-53 kg: Aktenge Keunimjaeva – Li Den (Xitoy) 

-62 kg: Dilfuza Aimbetova – Nonoka Ozaki (Yaponiya) 

-72 kg: Svetlana Oqnazarova – Ritika Ritika (Hindiston)