08 fev 16:12
Yangiliklar
LeBron Jeyms Karim Abdul-Jabborning rekordini yangilaganidan so'ng nimalar dedi?
«Leykers»ning «Oklaxoma»ga qarshi kechgan bahsini Karim Abdul-Jabborning o'zi ham arenadan turib kuzatib bordi.
LeBron Jeyms Karim Abdul-Jabborning karerasidagi ochkolar bo'yicha rekordini yangilaganidan so'ng o'z fikrlari bilan o'rtoqlashdi.
«Leykersning sodiq muxlislariga rahmat aytmoqchiman. Siz o'ziga xossiz.
Karimdek buyuk afsonaning yonida turish men uchun katta ahamiyatga ega. Bu katta baxt. Iltimos, kapitanni olqishlang, iltimos...
Go'zal ayolim, qizim, ikki o'g'lim, do'stlarimga... SHu 20 yil davomida men bilan birga bo'lgan barchaga katta rahmat aytmoqchiman, chunki sizsiz men LeBron Jeyms bo'lmagan bo'lardim.
Men NBA'dan, Adam Silverdan, marhum Devid Sterndan o'zim orzu qilgan narsaning bir qismi bo'lishga imkon bergani uchun minnatdorman», — dedi 38 yoshli Jeyms.
Eslatib o'tamiz, bugun bo'lib o'tgan «Leykers»ning «Oklaxoma»ga qarshi bahsi mezbonlarning 130:133 hisobidagi mag'lubiyati bilan yakunlandi.
Fikrlar