"Leykers" LeBron Jeyms bilan shartnomani uzaytirdi

OAV malumotlariga ko'ra, joriy bir yillik shartnomaga yana ikki yil qo'shilgan bo'lib, bu muddat davomida Jeyms 97,1 million dollar ishlab oladi. Uzaytirishni hisobga olsak, LeBronning shartnomasi 2025 yilgacha mo'ljallangan.

Ushbu shartnoma tufayli 37 yoshli Jeymsning karerasidagi umumiy daromadi 532 million dollarga etadi, bu NBA tarixidagi eng yuqori ko'rsatkichdir. Avvalgi rekord “Bruklin” basketbolchisi Kevin Dyurantga (508 million dollar) tegishli edi.

Agar 2023/24 yilgi mavsum uchun maosh chegarasi sezilarli darajada oshsa, shartnomadagi yangi ikki yil uchun summa 111 millionga oshirilishi mumkin.