"Li 7 effekti?". O'zbekistonlik kurashchilar U-23 Jahon chempionatiga o'z hisobidan boryapti(mi)?

Dunyo birinchiligida O'zbekiston yoshlar terma jamoasining ham ishtirok etishi haqida hozircha hech qanday rasmiy malumotlar yo'q. Sababi, O'zbekiston sport kurashlari assosiaciyasi yaqindagina Iordaniyaning Amman shahrida bo'lib o'tgan U-20 Jahon chempionatiga ham biror bir kurashchini yubormagan edi.

UWW.UZB internet nashrining xabar berishicha, Alisher G'aniev, Abror Atabaev, Doniyorxon Nakibov kabi kurashchilarimiz Albaniyadagi jahon birinchiligiga o'z hisobidan boradigan bo'lishgan. Ammo xabar rasman tasdiqlanmagani aytiladi. So'nggi voqeliklardan kelib chiqilsa, bunga ishonsa bo'ladi.

Terma jamoaning yana bir azosi Abdullo Aliev ham jaxon chempionatiga boradigan ko'rinadi. U o'zining instagram sahifasiga ushbu rasmni joylab, Let’s go Albaniya deya izoh qoldirdi.

Afsuski, holatga tushuntirish berish uchun Sport kurashlari associaciyasining matbuot xizmati ham faoliyat yuritmaydi. Avvalroq, aynan O'zbekiston sport kurashlari associaciyasi Parij Olimpiadasida delegaciyamiz hisobiga oltin medalni taqdim etgan Razambek Jamalovning ikki nafar murabbiyiga kafolatlangan mukofot pullaridan tashqari avtomobillar ham sovg'a qilgan edi.

Eslatib o'tamiz, shu qandaydir ikki oy ichida kurashchilarimiz U-20 jahon chempionatini, tarixda ilk bor JCHga yo'llanma olgan voleybolchilarimiz esa dunyo birinchiligini o'tkazib yuborgan edi.

Umid qilamizki, hali vaqt bor va O'zbekiston sport kurashlari terma jamoasi Albaniyadagi jahon chempionatiga (sportchilar hisobidan emas) yuboriladi.