28 may 13:19
Yangiliklar

Boks/MMA

Li Vud chempionlik kamarini qaytarib oldi

Buyuk Britaniyaning Manchester shahrida professional boks kechasi bo'lib o'tdi.

Britaniyalik 34 yoshli Li Vud yarimengil vazn toifasida WBA chempionlik kamarini qaytarib oldi. U revansh jangida meksikalik 25 yoshli Maurisio Larani ochkolar hisobiga ko'ra mag'lubiyatga uchratdi. Vud 12 raund to'liq davom etgan jangda hakamlarning yakdil qarori - 116-111, 119-108, 119-108 hisoblarida g'alaba qozondi. Lara ikkinchi raundda nokdaun holatiga ham tushib qoldi.

Takidlash joiz, shu yilning fevral oyida Britaniyaning Nottingem shahrida o'tgan boks oqshomida Lara Li Vudni texnik nokaut evaziga taslim etgan edi. Jang yakunlanganidan so'ng Vud sobiq jahon chempioni Josh Uorrington hamda amaldagi IBF chempioni Luis Lopesga qarshi ringga chiqish istagi borligini malum qildi.