15 iyu 10:56
Yangiliklar

Boks/MMA

Lift. Pol Batler va Yan Markosning raqibi aniq bo'ldi

Ertaga 18:00 da Toshkentdagi "Humo Arena" majmuasida professional boks oqshomi bo'lib o'tadi.

Avval xabar berganimizdek, O'zbekistonning Lift Promotions hamda Disrupt promouterlik kompaniyalari o'rtasida tashkil etilayotgan mazkur oqshomda bir qancha xorijlik bokschilar o'rtasidagi janglar, shuningdek Gran-Pridan o'rin olgan bellashuvlar o'tkaziladi.

Musobaqaning asosiy yulduzlaridan bo'lmish britaniyalik sobiq ikki karra jahon chempioni Pol Batler (34-3-0) nikaragualik Joel Sanches (5-36-1) bilan jang qiladigan bo'ldi. Kuba vakili Yan Markos (9-0-0) esa panamalik Omir Rodriges (13-7-1) bilan to'qnash keladi. Jo MakGreylning jangi esa bekor qilindi.

Avvalroq, ertangi boks oqshomiga amerikalik sobiq mutlaq jahon chempioni, taniqli Mayk Tayson tashrif buyurishi haqida xabar bergan edik.