Lomachenko Ortisdan 270 grammga og'irroq tosh bosdi + VIDEO

Top Rank promouterlik kompaniyasi tomonidan tashkil etilayotgan ushbu boks oqshomining markaziy jangi uchta vaznda sobiq jahon chempioni, pound-for-pound reytingi azosi, ukrainalik Vasiliy Lomachenko (16-2, 11 KO) hamda amerikalik Jemeyn Ortis (16-0-1, 8 KO) o'rtasida o'tkaziladi.

Ananaga ko'ra jangdan bir kun oldin barcha ishtirokchilari tarozidan o'tish marosimida hozir bo'lishdi. Lomachenko raqibidan 270 grammga og'irroq ekani oydinlashdi. Vasiliy tarozida 61,05 kg, Ortis esa 60,78 kg vazn qayd etgan. 

Eslatib o'tamiz, Vasiliy Lomachenko o'zining so'nggi jangini o'tgan yilning dekabr oyida ganalik sobiq jahon chempioni Richard Kommi (30-4-1, 27 KO)ga qarshi o'tkazib, raqibini ochkolar hisobiga ko'ra mag'lubiyatga uchratgandi. Ortis esa shu yil may oyida Jamel Xerring (23-4, 11 KO)dan ustun kelgan edi.