Lyovenda tezkor shaxmat davom etmoqda, hozircha Aronyan peshqadam

Nufuzli turnirda Magnus Karlsen (Norvegiya), Vishvanatan Anand (Hindiston), Levon Aronyan (Armaniston), Fabiano Karuana (AQSH), Anish Giri (Gollandiya), Vladimir Kramnik (Rossiya), Xikaru Nakamura (AQSH), Maksim Vashe-Lagrav (Franciya), Veselin Topalov (Bolgariya) va Uesli So (AQSH) bosh mukofot yo'lida dona surishyapti.

Blic yo'nalishidagi Grand Chess Tour turnirida hozircha Aronyan 5,5 ochko  bilan etakchilik qilmoqda. 2-5-o'rinlarni amaldagi jahon chempioni Magnus Karlsen, shuningdek, Kramnik, Nakamura va So 5 ochko bilan band etishgan.

Blic yo'nalishi bo'yicha jami 18 partiya o'ynaladi. Har bir uchrashuvga 5 daqiqa vaqt ajratilgan bo'lib, har bir yurishga 2 soniyadan qo'shib beriladi. Kecha yakuniga etgan rapid yo'nalishi bo'yicha turnirda Karlsen 12 ochko bilan  bosh sovringa ega bo'lgandi.