Madrimovning raqibi kuchsiz? Igbokveni kuchsiz deyishga haqqimiz yo'q - To'lqin Qilichev

«Madrimovni raqibi kuchsizligi haqida? Bu noto'g'ri narsa. Madrimov davogar. Uni jangsiz kuttirib o'tirishdan ko'ra, bu jangni o'tkazish afzal ko'rildi. Madrimovga TOP-10dagi 3-4 nafar bokschi raqib sifatida ko'rib chiqildi, lekin ular Isroilga qarshi jang qilishni xohlashmadi. Prof boksda shunday, hamma tanlash, rozilik berish yoki bermaslik huquqiga ega. SHuning uchun, yakunda Igbokve rozi bo'ldi. 

Matchroom, DAZN shu bokschini raqib sifatida tasdiqladi. Bu raqibni kuchsiz deyishga haqqimiz yo'q. Muxlislar tomonidan turli xil fikrlar yangraydi. Tanqid kerak. SHu orqali biz o'samiz, biz odamlarning etiboridan xursandmiz. Bu jang bizga suv va havodek kerak. CHunki jangsiz qolish bokschiga jang o'tkazgandan ko'ra ko'proq salbiy tasir ko'rsatadi. Jangsizlikdan ko'ra har qanday kuchsiz raqib bilan bo'lsa ham ringga chiqqan afzalroq. SHularni hammasini inobatga olgan holda, biz jamoamiz bilan ushbu jangni o'tkazishni maqul ko'rdik», - dedi Qilichev Olamsport.com sayti muxbiri Sarvinoz Raxmonqulovaga bergan intervyusida.