Magomed Kurbanov Isroil Madrimov bilan jangdagi mag'lubiyatni yopdi

Oqshomning markaziy jangi birinchi o'rta vaznda chempionlik kamariga sobiq davogar Magomed Kurbanov tajribali vatandoshi Aslanbek Kozaevga qarshi ringga ko'tarildi. Kurbanov bundan avvalgi jangida hamyurtimiz Isroil Madrimovga imkoniyatni boy bergandi. 

Magomed birinchi raundning o'zida raqibini nokdaun holatiga tushirib qo'ydi. Jang oltinchi raundda referi tomonidan to'xtatildi. Kurbanovning ketma-ket yo'llagan zarbalari javobsiz qoldi va natijada u texnik nokaut evaziga g'alaba qozondi. Bu bilan rossiyalik bokschi Isroil Marimovdan qabul qilib olgan mag'lubiyatini g'alaba bilan yopdi.