Magomed Kurbanov: "Men ham, Isroil ham tekinga jang qildik"

Madrimov Saudiya Arabistoni poytaxti Ar-Riyod shahrida o'tkazilgan chempionlik jangida WBA reytingida ikkinchi o'rinni egallab turgan Kurbanovni beshinchi raundda texnik nokautga uchratgan edi. 

"Ha, men gonorarsiz jang qildim. Jangimiz yuzasidan muzokaralar juda uzoq davom etdi. Lekin men kamar uchun jang qilishga o'zimni har tomonlama tayyorlab borgandim. SHu boisdan jangga katta ishtiyoq bilan tayyorgarlik ko'rdim. O'zimni ajoyib his qilayotgandim. Yakunda menga qo'ng'iroq qilib, "jang bo'ladi, o'rtaga jahon chempionlik kamari qo'yiladi, lekin puli bo'lmaydi", deyishdi. 

Qo'pol qilib aytganda, men ham, Isroil ham o'z hisobimizdan bu jang uchun ringga chiqdik. Ammo bu holatdan xafa bo'lganim yo'q. CHunki, shu jang uchun faoliyatimning katta qismi sarflandi. Kamar uchun jang o'tkazish bu orzu! 

Hozir ko'pchilik go'yo bu jangdan men 20 million, 30 million, 35 million gonorar ishlab olganimni yozyapti... Yigitlar, o'zingizni bosing. Men orzuim ro'yobi va maqsadim uchun jang qildim. G'alaba uchun ringga chiqqandim, lekin o'xshamay qoldi", — dedi Kurbanov RCC matbuot xizmatiga bergan intervyusida.