14 mar 14:01
Yangiliklar

Boks/MMA

Mahmud Muradov UFC bilan 4 ta jang uchun shartnoma imzoladi + FOTO

O'rta vazn toifasidagi UFC jangchimiz Mahmud Muradov dunyoning eng kuchli ligasida yana uzoqroq vaqt qoladigan bo'ldi.

Aralash yakkakkurash ustamiz tashkilot bilan yangi shartnomaga imzo chekdi. Bu galgi kelishuv 4 ta jangni o'z ichiga oladi.

"Assalomu alaykum, aziz do'stlar. Alhamdulillah, sizlarga xushxabarim bor. Bugun UFC bilan 4 ta jang uchun yangi shartnoma imzoladim.

Mamlakatimizni dunyo miqyosida namoyish etayotganimdan juda xursandman. Qo'llab-quvvatlaganingiz uchun barchangizga katta rahmat aytmoqchiman. Barchangizni yaxshi ko'raman va qadrlayman. Bu faqat boshlanishi!", - dedi Muradov.

Eslatib o'tamiz, Mahmud Muradov UFC'dagi so'nggi jangida rossiyalik Aliasxab Xizrievga qarshi oktagonga chiqib, birinchi raundning o'n ikkinchi soniyasidayoq ko'zidan jarohat olgan edi. Ushbu jang tashkilotchilar tomonidan o'tkazilmagan deya topilgandi.