Mahmud SHavkatovni tabriklaymiz!

Andijonda dunyoga kelgan qahramonimiz bolaligidan sportga mehr qo'ydi. Ana shu qiziqishlar uni erkin kurash zaliga etaklab keldi. Bir necha yillik mehnat o'z samarasini bermay qolmadi. U o'smirlar o'rtasida ikki karra jahon chempionati sovrindori, kattalarda Osiyo chempionati sovrindori, ko'plab xalqaro musobaqalar g'olibi bo'ldi. 

Turkmaniston poytaxti Ashxobod shahrida o'tgan Yopiq inshootlardagi Osiyo o'yinlarining erkin kurash bahslarida barcha raqiblarini mag'lubiyatga uchratib, oltin medalni qo'lga kiritgan. Murabbiyi - Ikrom aka G'ofurov. -57 kg vazn toifasida yurtimiz sharafini himoya qilib kelyapti. Andijon davlat universiteti talabasi. 

Fursatdan foydalanib, O'zbekiston sport kurashlari associaciyasi rahbariyati, murabbiylar shtabi va kurashchilar nomidan Mahmud SHavkatovni tavallud kuni bilan chin qalbdan muborakbod etamiz.