Maks Xollouey CHarlz Oliveyradan qabul qilgan mag'lubiyatiga ilk bor izoh berdi

SHunday bo'lsa-da, kamarni yo'qotgan amerikalik jangchining braziliyalikka hech qanday etirozi yo'q, u parterda nazoratga etibor qaratdi va hakamlarning yakdil qarori bilan g'alabani qo'lga kiritdi.

"Eng baland ko'tarilishlar va eng og'ir qulashlar. SHanba oqshomi meniki emasdi. Oila azolarim, do'stlarim va muxlislardan ularga pand berganim, uyaltirib qo'yganim uchun uzr so'rayman. Oliveyraga hurmat - u o'z ishini qildi. U o'z darajasini ko'rsatdi, shuning uchun men uning oldida shlyapamni echaman.

Mening tomonimdan hech qachon hech qanday bahona bo'lmagan - bu safar ham bo'lmaydi. Men ilgari ham shunday vaziyatda bo'lganman va o'zim xohlagan joyga qaytish uchun qanday ishlarni bajarish kerakligini bilaman. Biz hali tugatishdan juda uzoqdamiz. CHo'qqida ko'rishguncha!", - deb yozdi Xollouey ijtimoiy tarmoqdagi sahifasida.

Las-Vegasdagi UFC 326 turnirining markaziy jangida Xolloueyni hakamlarning yakdil qarori bilan mag'lub (50-45, 50-45, 50-45) etgan Oliveyra BMF chempionlik kamarini  qo'lga kiritgan va bu bilan 11 yil avval birinchi raunddayoq Maksdan qabul qilib olgan mag'lubiyati uchun revansh olgandi.