Mangu 2 turnirining ilk jangi elon qilindi. Furqatbek Yoqubovni ketma-ket ikkinchi musobaqada ham ko'ramiz (POSTER)

Tashkilotchilar musobaqa uchun ilk jangni elon qilishdi.

Malum bo'lishicha, 31 yoshli o'zbekistonlik taniqli aralash yakkakurash ustasi Furqatbek Yoqubov (17-4) bu safar ham oktagonga chiqadi. Yoqubov musobaqa doirasida tojikistonlik Ayyom Xabirov bilan to'qnash keladi. Jang o'ta engil vazn toifasida o'tkaziladi. 

Eslatib o'tamiz, Furqatbek Liganing ilk turnirida ham ishtirok etib, braziliyalik Nildo Nasimentoni ikkinchi raundda nokautga uchratgan edi. Ayyom Xabirov 29 yoshda. U faoliyati davomida hozirgacha 13 ta jang o'tkazib, 10 ta g'alaba va 3 ta mag'lubiyat qayd etgan.