Marius Vizer boshchiligidagi IJF rasmiy vakillariga ehtirom ko'rsatildi + FOTO

Xalqaro dzyudo federaciyasi (IJF) prezidenti Marius Vizer uch kun davomida poytaxtimiz mezbonligida o'tgan ilk Toshkent «Katta Dubulg'a» turniri hamda uning tashkiliy masalalariga yuqori baho bergan va buning uchun O'zbekiston hukumati, Jismoniy tarbiya va sport vazirligi, Milliy olimpiya qo'mitasi, mamlakat dzyudo federaciyasiga tashakkur izhor qildi. Bu haqida u o'zining ijtimoiy tarmoqdagi sahifasida ham post chop etdi.

Poytaxtimizdagi “Hilton” mehmonxonasida Xalqaro dzyudo federaciyasi va o'zbek sporti mutasaddilari o'rtasida uchrashuv bo'lib o'tdi. Unda Xalqaro dzyudo federaciyasi Marius Vizer, MOQ raisi Rustam SHoabdurahmonov, MOQ Bosh kotibi Oybek Kasimov, Qo'mita raisi o'rinbosari, mamlakat dzyudo federaciyasi raisi Azizjon Kamilov ishtirok etishdi. MOQ raisi mehmonxonadagi suhbat davomida martabali mehmonga Prezidentimiz tomonidan olib borilayotgan chuqur islohotlar haqida gapirib berdi.

“Bundan bir necha yil oldin Siz ko'rib turgan ushbu joylar eski va xarob holga kelgan uylar edi. “Tashkent City” Prezidentimiz qurayotgan Yangi O'zbekistonning kichik bir namunasi. Biz esa sport sohasida o'z g'alabalarimiz bilan munosib hissa qo'shishni niyat qilganmiz. Albatta, bunda Sizdek rahbar bilan hamkorlikda ishlashdan mamnun bo'lar edik”, – dedi Rustam SHoabdurahmonov.

O'z o'rnida O'zbekiston Milliy olimpiya qo'mitasi va dzyudo federaciyasi rahbariyati Xalqaro dzyudo federaciyasiga, janob Vizer va uning barcha yordamchilariga musobaqani xalqaro talablar asosida o'tkazishga bergan ko'magi uchun minnatdorchilik bildirdi. SHundan so'ng xalqaro tashkilot rahbariga esdalik sovg'alari taqdim qilindi.

Kunning ikkinchi yarmida Marius Vizer Toshkentdan o'z vataniga jo'nab ketdi.