Marius Vizer yangi to'rt yillik muddatga IJF prezidenti etib saylandi

Vengriyada start arafasida turgan kattalar o'rtasidagi jahon chempionati oldidan o'tkazilgan Kongressda bir qator masalalar muhokama qilindi.

Ular orasida tashkilot prezidentligiga o'tkazilgan saylov dzyudo ommasining diqqat markazida bo'ldi. Unda yakdil, yani bir ovozdan 2007 yildan beri IJF prezidenti bo'lib kelayotgan Marius Vizer yangi muddatga qayta saylandi. 

"O'tgan 14 yil davomida sizlar bilan hamjihatlikda, yagona maqsad yo'lida mehnat qildik. Hamkorlikdagi olib borgan bu ishlarimiz faoliyatimdagi eng yorqin damlar bo'ldi. Sizlar bilan ishlaganimdan bag'oyat xursandman. Bu men uchun katta sharaf. Qatiy tartib-intizom, hurmat va sadoqat orqali biz ulkan yutuqlarga erishdik. Barqaror rivojlanishimizning asosiy omillari ham men sanab o'tgan jihatlar. Bugundan esa dunyo dzyudosida yangi davr boshlanmoqda. Biz birgalikda muvaffaqiyatni rivojlantirishda davom etamiz. Bu borada Xalqaro olimpiya qo'mitasi bilan keng qamrovdagi hamkorligimiz ham muhim omil bo'lyapti. 2009 yildan dzyudo bo'yicha yillik taqvim bo'yicha Jahon tur (Gran-pri, "Katta Dubulg'a", "Masters") musobaqalarini boshladik. Boshlanishiga ko'plab muammolarga duch keldik. Lekin birgalikda bu qiyinchiliklarni engib o'tdik. Oldindagi to'rt yil biz yanada ko'proq ishlashimiz kerak. Qitaviy konfederaciyalar hamda millliy federaciyalarni yanada ko'proq qo'llab-quvvatlash asosiy yo'nalishlarimizdan bo'ladi. Ishonchim komil, biz birdamlik, ishonch va hamjihatlik orqali dzyudoni yangi bosqichga olib chiqishga harakat qilamiz", - dedi Vizer.