Mariya Timofeeva Lyuksemburg turniridagi yurishini boshladi

Biroz avval Rossiyadan mahalliylashtirilgan tennischimiz birinchi davrada unchalik qiyin bo'lmagan g'alabasini nishonladi. 22 yoshli Timofeeva 1/16 final uchrashuvida ispaniyalik Mariya Martines Vakeroga qarshi kortga chiqdi. Mariyalar bahsi 101 daqiqa davom etdi va yakunda hamyurtimizning g'alabasi bilan yakunlandi - 6/2, 6/3. 

Malumot uchun, Mariya Timofeeva hozirda WTA reytingida 151, 23 yoshli Martines Vakero esa 570-o'rinni egallab turibdi. Bu tennischilarning o'zaro o'tkazgan ilk uchrashuvi bo'ldi. Turnirda oltinchi raqam ostida tasniflangan Timofeeva ertaga 1/8 finalda WTA reytingida 440-pog'onada borayotgan germaniyalik Mina Xodjichga qarshi kortga chiqadi.