Markaziy kengash raisi Xorazmda tizim faoliyati bilan tanishdi

O'zbekiston Respublikasi Prezidentining “Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-texnik mutaxassisliklar bo'yicha tayyorlash tartibini takomillashtirish bo'yicha qo'shimcha chora-tadbirlar to'g'risida”gi qarori aholining turli qatlami, xususan, yoshlarni sportning texnik va amaliy turlariga kengroq jalb etish, buning barobarida, ularni manaviy-axloqiy va harbiy-vatanparvarlik ruhida tarbiyalash borasida dasturilamal vazifasini o'tayotir.            

O'zbekiston Respublikasi Mudofaasiga ko'maklashuvchi “Vatanparvar” tashkiloti Markaziy kengashi raisi Husan Botirov Xorazm viloyatiga xizmat safari chog'ida mazkur qaror ijrosining bajarilishi, uni hayotga tadbiq etish jarayoni bilan yaqindan tanishdi.

Markaziy kengash raisi uch kun mobaynida viloyat kengashi raisi Davronbek Ibragimov, viloyat texnik va amaliy sport turlari markazi direktori Odilbek Ibragimov hamrohligida tizim tasarrufidagi barcha tashkilotlar va o'quv sport texnika klublarining faoliyatini atroflicha o'rganib chiqdi. Buning barobarida, yosh sportchilar, ularning trenerlari bilan uchrashib, kelgusi rejalari, maqsad va istaklari bilan qiziqdi. Mazkur tashkilotlar tomonidan ommaviy kasb egalarini tayyorlash jarayoniga ham etibor qaratdi.

SHuningdek, H.Botirov soha mutassaddilari ishtirokida uyushtirilgan yig'ilishda qatnashib, o'rganishlar chog'ida duch kelingan bazi kamchiliklar haqida so'z yuritdi va ularni bartaraf qilish yuzasidan tegishli topshiriqlar berdi. Kelgusida amalga oshirilishi lozim bo'lgan vazifalar, jumladan, joylardagi tashkilotlarning infratuzilmasi va moddiy-texnika bazasini yanada yaxshilash,  sekciyalarni malakali trenerlar bilan taminlash, sport inshootlaridan samarali va unumli foydalanish, mashg'ulotlar jarayonini zamonaviy talablar darajasida tashkil etishni vaqt taqozo etayotganini alohida takidlab, bu borada o'zining foydali taklif va maslahatlarini bildirdi.

Ikrom XUDOYBERGANOV, Xorazm viloyatidan