Marrey 4 soat davom etgan bahs yakunida Olimpiada chempioni bo'ldi

Hal qiluvchi final uchrashuvida britaniyalik Endi Marrey hamda argentinalik Xuan Martin del Potro o'zaro to'qnash kelishdi. Marrey dunyoning birinchi raketkasi Novak Jokovich, ispaniyalik Rafael Nadalni mag'lubiyatga uchratib, katta shov-shuvga sababchi bo'lgandi.

Final bahsi 4 soatu 3 daqiqa davom etdi. Yakunda dunyoning ikkinchi raketkasi ATP reytingida 141-o'rinni egallab turgan argentinalik tennischini 7:5, 4:6, 6:2, 7:5 hisobida dog'da qoldirdi. Bu bilan Marrey ikki karra Olimpiada chempioniga aylandi.

To'rt yil avval shotlandiyalik tennischi Londonda o'tgan Olimpiadada ham chempion bo'lgan edi. Rioda bronza medali uchun kechgan bahsda yaponiyalik Kei Nisikori ispan Rafael Nadalni 6:2, 6:7, 6:3 hisobida mag'lub etdi.  

Tennis. Olimpiya turniri

Rio-de-Janeyro, Braziliya

Ochiq xard kortlar

Erkaklar. Yakkalik bahsi

BRONZA MEDAL UCHUN O'YIN

Kei Nisikori (Yaponiya) – Rafael Nadal (Ispaniya) 6:2, 6:7, 6:3

FINAL

Endi Marrey (Buyuk Britaniya) – Xuan Martin del Potro (Argentina) - 7:5, 4:6, 6:2, 7:5