Maskatda bo'lib o'tadigan OOK Bosh assambleyasiga tayyorgarlik muhokama qilindi

Unda Qo'mita Bosh kotibi O.Kasimov, shuningdek, MOQ raisining barcha o'rinbosarlari va maslahatchilari ishtirok etishdi.

Yig'ilish terma jamoalarimizning kelasi yil bo'lib o'tadigan Olimpiya o'yinlariga tayyorgarlik holatini muhokama qilish bilan boshlandi. SHuningdek, 2022 yil Xanchjouda bo'lib o'tadigan Osiyo o'yinlari va Parij-2024 Olimpiya o'yinlari uchun selekcion musobaqalarni o'tkazish tartibi va boshqa yo'nalishlar ustida fikr almashildi.

SHuningdek, kun tartibidan joriy yilning 16 dekabr kuni O'monning Maskat shahrida bo'lib o'tadigan Osiyo Olimpiya kengashining 39-Bosh assambleyasida qatnashish uchun har tomonlama puxta tayyorgarlik ko'rish, jumladan, unda ishtirok etadigan MOQ, Jismoniy tarbiya va sport vazirligi hamda Toshkent shahar hokimligi mutasaddilaridan iborat delegaciya tarkibini shakllantirish masalasi ham atroflicha muhokama qilindi. Boisi Maskatdagi Bosh assambleya davomida Toshkent shahrining 2025 yilda yoshlar o'rtasidagi Osiyo o'yinlarini qabul qilishi bo'yicha OOK bilan shartnoma imzolanishi kutilmoqda.

Uchrashuv davomida Markaziy Osiyo mamlakatlaridagi hamkasblar bilan do'stona aloqalarni mustahkamlash, bugungi epidemiologik davrda o'zaro tajriba almashish kabi masalalariga ham to'xtalib o'tildi.