06 apr 11:16
Yangiliklar

Boks/MMA

Masvidal nima uchun UFC reytingiga ahamiyat bermasligini tushuntirdi

Xorxe Masvidal UFC 287 turniridan oldin media kunida ishtirok etdi.

UFC chempionligi uchun ikki karra davogar, amerikalik Xorxe Masvidal nega uni divizion reytingidagi o'rni qiziqtirmayotganini tushuntirdi.

"Kolbi hech qachon pulli translyaciyalarni 300 000 dollarga sotmagan. U buni men bilan jang qilgandagina amalga oshirgan, hammasiga men sababchiman. Leon ham kassabop jangchi emas.

Men va Leon chempionlik uchun kurashamiz. Keyin esa, Usman va Kolbilar bilan jangga tayyorlanaman. Agar men PPV (Pulli translyaciyalar) qiroli bo'lsam, reytinglar muhim emas. Men o'z ishimni bajarayotganimda, reytinglar haqida o'ylamasligim kerak", - deya Masvidalning so'zlaridan iqtibos keltiradi Sporting News nashri.

Avvalroq Masvidal o'z intervyusida tashkilotning yulduzli istiqboli Xamzat CHimaevni tanqid qilgan edi.