Maxachev - Maykl Moralesning bahsli rekordi haqida: "Uni yana bo'g'ib qo'yish kerak"

"Morales bir necha kun oldin mag'lubiyatsiz emas edi, bugun esa yana mag'lubiyatsiz bo'lib qoldi. Buni qanday olib tashlashganini bilmayman. Qafasdagi jangni ko'rganman — uni bo'g'ishgan, keyin esa bu ko'rgazmali jang edi deb elon qilishdi. Xo'sh, unda uni yana bo'g'ish kerak", — dedi Maxachev.

Avvalroq Tapology statistika sayti ekvadorlik Morales rekordiga 2017 yilda Ultima Pelea ligasida Rikardo Sentenodan mag'lubiyatni qo'shgandi. Ammo keyinchalik o'sha jang ko'rgazmali deb tan olinib, mag'lubiyatlar soni yana nolga tushirilgandi.