27 mar 06:28
Yangiliklar

Tennis

Mayami "Masters". Birinchi raketkaning yurishi davom etadi

AQSHning Mayami shahrida "Masters" seriyasiga kiruvchi nufuzli turnir o'tkazilyapti.

Sayyoramizning birinchi raketkasi Karlos Alkaraz musobaqaning to'rtinchi davra ishtirokchisiga aylandi. Ispaniyalik tennischi 92 daqiqa davom etgan uchinchi davra uchrashuvida ATP reytingida 76-pog'onada borayotgan serbiyalik Dushan Layovichni 6/0, 7/6(5) hisobida mag'lub etdi.

Tennischilarning o'zaro uchrashuvlaridagi hisob yanada yiriklashdi - 4:0. Alkaraz 3 ta eys, 4 ta breykka erishdi, qo'shxatoga yo'l qo'ymadi. Endi u 1/4 final chiptasi uchun Mayami "Masters" turnirining amaldagi chempioni, AQSH vakili Tommi Polga qarshi kortga chiqadi.