Mayk Tayson Jonsga qarshi kechagi jang oldidan marixuana chekkanini tan oldi

Har biri ikki daqiqadan sakkiz raund to'liq davom etgan jangda durang natija qayd etilgandi. Jangdan so'ng Temir Mayk bir haqiqatni tan oldi. U jang oldidan marixuana chekkanini malum qildi.

"Albatta, men jangdan oldin marixuana chekkandim. O'zimni bundan to'xtata olmayman. Har qanday tadbirlar oldidan ham shunday bo'ladi. Kechirasizlar, men kashandaman va bu ishni har kuni qilaman. Meni borimcha qabul qiling. Bu holat men haqimda salbiy fikrlarni yuzaga chiqarmasligini istardim. Bu bo'yicha tushuntirish ham bera olmayman. Xullas, bu tugamaydigan ish", — deya Taysonning so'zlarini keltirmoqda New York Post.