Mayk Tayson: "Qamoqdagi uch yil hayotimning eng yaxshi onlari bo'lib qoldi"

"Men qamoqda ajoyib uch yilni o'tkazdim. O'sha hayotda men o'zim bilan yolg'iz edim. Meni diqqat bilan eshitinglar, agar hayotingizda xotirjamlik, barqarorlik va muvozanat bo'lmasa, pullar mutlaqo ahamiyatsiz narsaga aylanib qoladi. Siz hayotingizning har bir jabhasini nazorat qilishingiz kerak. Buning uchun esa sizdan sog'lom fikrlash talab etiladi. Men hamisha bir gapni aytganman, Yaratgan sizga imkoniyatlar eshigini ochadi, bundan unumli foydalana olmasangiz, jazolaydi", - dedi Temir Mayk.  

Eslatib o'tamiz, Mayk Tayson 1992 yilda nomusga tegishda aybdor deb topilib, 6 yilga ozodlikdan mahrum etilgandi. Lekin 1995 yilda, jazoning teng yarmini o'tab bo'lganidan keyin ozodlikka chiqarilgan edi. 2024 yilda 57 yoshli Taysonning boyligi 10 million dollarga baholanmoqda. Faoliyatitining eng gulagan davrida esa 300 million dollarga ega bo'lgani manbalarda aytiladi.