Maykl CHendler Islam Maxachevning maslahatiga javob qaytardi

Islam o'z intervyusida CHendlerga Konor Makgregorni kutib, qimmatli vaqtini o'tkazmaslikni va tezroq oktagonga qaytishini maslahat bergandi. 

"Keraksiz maslahat uchun rahmat. Islam – men shundoq ham kechalari yaxshi uxlayapman. Menda aniq reja bor, sen esa o'sha rejaning bir bo'lagisan, chempion!", - deya keskin fikr bildirgan sobiq Bellator chempioni.

Avvalroq Islam Maxachev MMAJunkie kanaliga bergan intervyusida shunday degandi:

"CHendler unchalik ham yaxshi ko'rinmayapti. Boisi, u bir necha yildan beri Konorga qarshi jangni kutib yashamoqda. Har kuni kechqurun uyquga ketishdan oddin shu jangni o'ylab, umid qiladi. Erkak, sen endi yosh emassan – kim bilan bo'lsa ham jang qilib, pul ishlashing kerak. Konor bilan jang qilishga hali ulgurasan. Nima bo'lishi mumkin? Sen oxirgi jangingda yutqazib bo'lding. Yana bir martta mag'lub bo'larsan, lekin pul ishlaganing qoladi. Keyin Konor bilan jang qilasan. Balki kelma-ket yutqazganingni ko'rgan Makgregor "men bu yigitni urib qo'yaman" qabilida ish tutib, sen bilan jangga rozilik berar".