Meksika mustaqilligiga bag'ishlangan Noche UFC turnirining asosiy jangi elon qilindi + POSTER

UFC rahbari Dana Uaytning rasmiy ravishda xabar berishicha, yarimengil vaznda jang o'tkazib kelayotgan braziliyaliklar Diego Lopes va Jin Silva Noche UFC 3, yani UFC Fight Night 259 turnirining markaziy jangida oktagonga ko'tarilishadi. Turnir 13 sentyabr kuni AQSHning Texas shtati, San-Antonio shahridagi Frost Bank Center arenada o'tkaziladi. 

Odatdagidek, ushbu turnir 16 sentyabr kuni - Meksika mustaqilligi kuniga bag'ishlab tashkil etiladi va tabiiyki, karddagi jangchilarning ko'pchiligini aynan shu yurt aralash yakkakurash ustalari tashkil etib beradi. Bu hisob bo'yicha uchinchi Meksika turniri bo'lib, bundan avvalgilarining asosiy janglari mos ravishda Aleksa Grasso va Valentina SHevchenko (Noche UFC) hamda SHona O’Melli va Merab Dvalishvili (Noche UFC 2) o'rtasida mahobatli "Sfera" arenada o'tkazilgandi.

Malumot uchun, Diego Lopes (26-7) shu yilning aprel oyida Iliya Topuriya vakant qoldirgan chempionlik kamari uchun kechgan jangda Aleks Volkanovskiga yutqazib qo'ygandi. Jin Silva (16-2) esa UFC oktagonida hali mag'lubiyat nimaligini bilmay kelyapti. Dana Uayt Davogarlar turniri orqali dunyoning eng kuchli ligasiga qo'shilgan Silva ketma-ket 5 ta jangda zafar quchdi. 

Ayni paytda Diego Lopes yarimengil vazn UFC reytingida ikkinchi, Silva esa 11-o'rinni egallab turibdi.