"Men 100% qafasdagi jang tarafdoriman". Jo Baydenning o'g'li Trampning o'g'illariga "vyzov" tashladi

"Salom, yigitlar, men Xanter Baydenman. Menga hozirgina Endryu Kallaxan qo'ng'iroq qildi - u meni oy oxirida Channel 5 Carnival turiga qo'shilishga taklif qildi. O'ylashimcha, Feniksda boshlaymiz, keyin San-Diegoga boramiz va Albukerkda tugatamiz. U qafasda jang uyushtirishga urinayotganga o'xshaydi - men Erik va kichik Donaldga qarshi.

Men unga roziman, dedim. Agar u buni uddalay olsa, men 100 foiz roziman. Bo'lmasa, baribir kelaman. O'ylashimcha, u hali ko'p kutilmagan yangiliklarni tayyorlab qo'ygan. Bu qiziqarli bo'ladi va sizni u erda ko'rishga umid qilaman", - dedi kichik Bayden X ijtimoiy tarmog'ida Channel 5 uchun elon qilingan videoda.

Tashabbuskor amerikalik rejissyor va kontentmeyker Endryu Kallagan edi. U USA TODAY nashriga Bayden buni hazil tariqasida aytganini tasdiqladi, biroq agar aka-uka Tramplar Xanter bilan o'zaro jangga kirishga tayyor bo'lsa, uni tashkil etishda "ko'proq yordam berishga tayyor" ekanini qo'shimcha qildi. Kichik Donald Tramp va Erik Tramp hozircha chaqiriqqa javob bermadi.