"Men O'zbekistonga borishga tayyor edim" - Kurbanov Madrimovga qarshi chempionlik jangi haqida gapirdi

Avvalroq, sportchilar jang bo'yicha kelishuvga erishgani haqida xabarlar tarqalgandi. 

"Men hozir Amerikadaman va faqatgina shu jang uchun kelganman. Hozir muzokaralar bor, ammo aniq manzil yo'q! So'nggi marotaba promouterim, RCC Boxing Promotions rahbari bu jang Rossiyadan tashqari boshqa joyda qiziq emasligini aytgandi. Men Rossiyada jang qilishdan faqat xursand bo'laman. Men aynan ushbu jang amalga oshishi uchungina shu erdaman.

Endi yana bir savol: Madrimov u erga borishga tayyormi? Yoki u boshqa variant topmaydimi? Mana masala qaerda. Men O'zbekistonga borishga tayyor edim, qaerga bo'lsa ham boraveraman, faqat eng asosiysi - o'rtada kamar bo'lsa bo'ldi. Ammo O'zbekistonga tekinga borish - bu bokschining ustidan kulishdir.

O'zim aytadigan bo'lsam, shaxsan men 3-4 haftadan keyin ham jang qilishga tayyorman. Anchadan beri mashg'ulot lageri olib boryapman, shuning uchun agar yaqin orada jangni elon qilib qolishsa ham men tayyorman", - dedi Kurbanov.