"Men seni qo'lsiz uraman, buni unutma!" Navbat Makgregor - Kanelo jangigami?

"Men chapaqayman, Jon Rayder ham, Billi Jo Sanders ham chap qo'l. Men ularning usullarini o'rganaman. Saul zaiflashayotganini bilaman. U bilan hech qanday muammolarsiz jang qilgan bo'lardim", - deydi Konor Makgegor. 

Saul Kanelo Alvares ham Konorning unga nisbatan aytgan gap-so'zlariga javoban "qattiq" gapirdi.  

"Men uning aytgan so'zlarini eshitmadim, chunki hozir ijtimoiy tarmoqlarga kirganim yo'q, biroq uni bir qo'lim bilan mag'lub etaman", - deydi meksikalik bokschi.

SHuningdek, Kanelo jang uning vatanida bo'lib o'tishini istisno qilmadi.

"Meksikaning istalgan joyida jang qilishga tayyorman, bu men uchun sharaf demakdir. Bu hozir yoki yaqin kelajakda sodir bo'lish bo'lmasligidan qatiy nazar buni istisno qilmayman", - deydi u. 

Alvaresning ushbu gaplaridan keyin Makgregor uni ijtimoiy tarmoqlarda haqorat qildi, ammo postni tezda o'chirib tashladi. "Kanelo, sen kichik zanjabilsan. Men seni qo'lsiz uraman, buni unutma!", degan irlandiyalik jangchi.