Menejer UFC Roman Kopilov uchun katta rejalar tayyorlab qo'yganini aytdi

"Ikkalamizning jang qilish uslubimiz o'xshash. Ikkalamiz ham ajoyib zarba beramiz va odamlar stoykadagi janglarni yaxshi ko'radilar. O'ylaymanki, biz ajoyib jang o'tkazamiz. Biz o'zimizni sinab ko'rish va ko'proq narsaga erishish uchun keldik. SHuning uchun men o'z kuchimni sinab ko'rmoqchiman. Agar ligaga qiziq bo'lsa, qani ketdik!"- dedi Kopilov. 

Kopilovning menejeri Aleksandr Skaredin RB Sport nashriga bergan intervyusida rossiyalik jangchining kelajakdagi istiqbollari haqida gapirdi.

"Biz hammamiz ko'rdikki, turnir oldidan Dana Uayt kardni elon qilar ekan, bu jangni alohida ajratib, Romanni alohida tilga oldi. Mik Meynard oldimizga kelib, bizni g'alaba bilan tabrikladi va UFCʼning Roman uchun katta rejalar borligini, shuning uchun biz buni sekin-asta bajaramiz dedi.

Albatta ular Striklendni darhol berish ehtimoli juda kichik. Reytingdagi yigitlar uchun UFC ko'pincha bir nechta rejalar tuzadi. Kelajakda bu qarama-qarshilik yuz berishi mumkin. Reyting yangilagandan so'ng Romanning 15 talikka kirishini kutaman. SHaxsan o'zim uning Kris Kertis bilan jangini katta zavq bilan kuzatgan bo'lardim" - dedi menejer.