Miami Open. Elena Ostapenkoni to'xtatishdi

Dunyoning 22-raketkasi, latviyalik Elena Ostapenko 1/8 final uchrashuvida reytingda o'zidan ikki pog'ona quyida borayotgan italiyalik Martina Trevizanga yutqazib qo'ydi - 3/6, 3/6.

To'qson bir daqiqa davom etgan bahsda Ostapenko 3, Trevizan esa 1 ta eys zarbasini amalga oshirgan. Qo'shxatolar Elenada 2 ta bo'ldi, Martina esa bu borada xatoga yo'l qo'ymadi. Bu tennischilarning o'zaro o'tkazgan ilk uchrashuvi sifatida tarixga kirdi.