Milliy antidoping agentligi tomonidan seminar o'tkazildi

Ayni damda, mazkur agentlik tomonidan sport federaciyalari va klublari tibbiyot xodimlarining malakasini oshirishga ko'maklashish, ularga sportda doping qo'llanilishining oldini olish va antidoping nazoratini amalga oshirish borasida uslubiy yordam ko'rsatish, talim dasturlarini amalga oshirish, sog'lom va halol sportning targ'iboti bo'yicha say-harakatlar olib borilmoqda.

Bunga misol qilib, Agentlik xodimlari tomonidan Xorazm viloyatidagi Urganch ixtisoslashtirilgan olimpiya zaxiralari maktab-internatida o'tkazilgan seminarni keltirib o'tishimiz mumkin.

Seminarda Xorazm viloyati jismoniy tarbiya va sport boshqarmasi, boshqarma tizimidagi o'quv muassasalari va sport maktablari, O'zbekiston talabalar sporti associaciyasi viloyat mintaqaviy bo'limi va sport federaciyalari mutasaddilari ishtirok etdi.

Ushbu seminar jarayonida Milliy antidoping Agentligining Dopingga qarshi kurashishni targ'ibot qilish va xalqaro hamkorlik bo'limi boshlig'i Rano Islomova, Test o'tkazish va tezkor tahlil qilish bo'limi boshlig'i Nodirjon Hoshimovlar Agentlik oldiga qo'yilgan asosiy talab, vazifalar va yo'nalishlar haqida tushunchalar berib, hamyurtlarimizga sportda doping qo'llanilishining oldini olish va dopingga qarshi kurashish sohasida yagona davlat siyosatini amalga oshirishda faollik ko'rsatishlari lozimligiga alohida to'htalishdi.

SHuningdek, seminarda qatnashgan Xorazm viloyati jismoniy tarbiya va sport boshqarmasi boshlig'i SHokir Madaminov joylarda sportchilar bilan targ'ibot ishlari yuritilayotgani, ular orasida dopingga qarshi tegishli uchrashuvlar va suhbatlar tashkil etilayotganligini aytib o'tdi.

Mazmunan boy va samarali o'tgan seminarda ishtirokchilar mutaxassislardan o'zlarini qiziqtirgan savollarga javob olishdi.