Milliy matbuot markazida o'tkazilgan kurash tadbiridan FOTOREPORTAJ

O'zbekiston Respublikasi Prezidentining “Kurash milliy sport turini rivojlantirish va uning xalqaro nufuzini yanada oshirish chora-tadbirlari to'g'risida”gi PQ-4881-sonli qarori ijrosini taminlash maqsadida O'zbekiston kurash federaciyasi tomonidan xorijiy davlatlarda muntazam xalqaro turnirlar o'tkazilib kelinmoqda. 

Bu o'z-o'zidan o'zbek sporti kurashni xalqaro maydondagi nufuzi yanada mustahkamlanishiga hissa qo'shmoqda. O'zbekiston Prezidenti sovrini uchun o'tkazilgan qator xalqaro turnirlarda ishtirok etayotgan davlatlar sonini oshib borishi bu so'zimizni isboti desak mubolag'a qilmaymiz.

7-9 may kunlari Germaniyaning Frankfurt-Maye shahri O'zbekiston Respublikasi Prezidenti sovrini uchun  o'tkazilgan xalqaro turnirga mezbonlik qilgan  bo'lsa, 28-29 may kunlari Evropaning janubidagi davlat Bolgariya osmonida o'zbek so'zlari jarangladi.

O'n kun avval (26 iyun) poyoniga etgan yana bir turnir haqiqiy kurash bayramiga aylandi. Turkiya davlatining Istanbul shahridagi “Turkish Word Cultural Quarter” madaniyat markazi kurash bo'yicha O'zbekiston Respublikasi Prezidenti sovrini uchun xalqaro turnirga mezbonlik qildi. 10 mingdan ortiq tomoshabinni qamrab olgan kurash musobaqasida 20 ga yaqin davlat polvonlari mutloq vazn toifasida o'zaro bellashdilar.  

Bellashuvlar yakunida  quyidagilar shohsupaga ko'tarildilar: 1. Ese Zurnaki (Turkiya), 2. Sitora Xusanova (O'zbekiston), 3. Belkis Zehrakaya (Turkiya), 3. Loreana Aleksandra (Ruminiya)

Erkaklar o'rtasida esa 1. Xurramov Muhammadkarim (O'zbekiston), 2. Qurbonaliev Dadaxon (Tojikiston), 3. Kan Guzel (Turkiya), 3. Resko Viktors (Latviya).

O'zbekiston  Kurash federaciyasi oldida yana ko'plab davlatlarda xalqaro turnirlar o'tkazish rejasi turibdi. Sizu-bizning sportimiz kurashimizning Olimpiya o'yinlariga kiritish oliy maqsadimizdir.

Alimurod MAMADAMINOV, o'z muxbirimiz