Milliy olimpiya qo'mitasi jurnalistlarni matbuot anjumaniga taklif etadi

O'zbekiston Respublikasi Prezidentining 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to'g'risida”gi PF-5368-sonli Farmoni, shuningdek, O'zbekiston Respublikasi Prezidentining 2017 yilning 9 martdagi “O'zbekiston sportchilarini 2020 yil Tokio (Yaponiya)da bo'lib o'tadigan XXXII yozgi Olimpiya hamda XVI Paralimpiya o'yinlariga tayyorgarlik ko'rish to'g'risida”gi  PQ-2821-sonli Qarori ijrosini taminlash maqsadida Qo'mita tomonidan “Olimpiya kelajagi” nomi ostida sportning yakkama-yakka kurash turlari bo'yicha jamoaviy musobaqalar o'tkazish rejalashtirilgan.

Musobaqalar dzyudo, sport kurashlari, boks va taekvondo WTF sport turlari bo'yicha tashkil etiladi. Mazkur bellashuvlar orqali Milliy olimpiya qo'mitasi yoshlar orasida istedodli sportchilarni saralab olish, sport turlari bo'yicha viloyat terma jamoalarini shakllantirish, mamlakat milliy terma jamoalariga munosib zahira yaratish, shuningdek, respublikaning barcha hududlarida sportchilarning tayyorgarlik darajasini o'rganishni maqsad qilgan.

“Olimpiya kelajagi” musobaqasi start olishi arafasida ertaga, 6 aprel kuni Milliy olimpiya qo'mitasi konferenc-zalida yuqorida nomlari sanab o'tilgan sport federaciyalar rahbariyati, murabbiylar, yulduz sportchilar va jurnalistlar ishtirokida katta matbuot anjumani tashkil qilinadi. Anjuman soat 11:00da boshlanadi. Ommaviy axborot vositalarining turli sohalarida ijod qilayotgan qalam ahlini mazkur tadbirga taklif etamiz.