Milliy olimpiya qo'mitasi yil sarhisobiga tayyorgarlik ko'rmoqda

O'zbekiston Milliy olimpiya qo'mitasi hamda Jismoniy tarbiya va sport vazirligi tomonidan tashkil qilinayotgan mazkur tadbirda yil davomida sportimiz rivoji yo'lida mehnat qilgan eng yaxshi atlet va murabbiy, federaciya, hakam, sport mutasaddilari, jurnalist va masul tashkilotlar 20 ga yaqin nominaciya bo'yicha taqdirlanishadi. 

Bugun “Navro'z” tantanalar saroyida MOQ hamda Jismoniy tarbiya va sport vazirligi rahbariyati, tadbir o'tkazilishi uchun masul bo'lgan ishchi guruh vakillari ishtirokida yig'ilish bo'lib o'tdi. Unda tadbirning badiiy qismi, bezatish ishlari va taomlar menyusidan tortib tashkiliy jarayon bilan bog'liq barcha kichik detallargacha muhokama qilindi. Sportimiz yulduzlari ishtirokida o'tadigan taqdirlash marosimini muxlislar yangi yil oqshomida, aniqrog'i, 31 dekabr kuni soat 20:30 dan boshlab “Sport” telekanalida tomosha qilishlari mumkin.