Milliy olimpiya qo'mitasida belbog'li kurash vakillari bilan uchrashuv bo'lib o'tdi

Unda Milliy olimpiya qo'mitasi prezidenti Umid Ahmadjonov, Jismoniy tarbiya va sport vaziri SHoakram Isroilov, MOQ Bosh kotibi Jasur Matchanovlar ishtirok etishdi.

 Yig'ilishda shuningdek, xalqaro belbog'li kurash federaciyasi prezidenti Rustam Isoqov ham qatnashdi. Kun tartibidagi asosiy masala kurash federaciyalari o'rtasida do'stlik aloqalarini mustahkamlash, hamkorlikni kuchaytirish va bir maqsad yo'lida birlashish tizimini ishlab chiqishdan iborat edi.

CHunki, sizga yaxshi malum, kurashning bir qator turlari bo'yicha federaciyalar mustaqil ravishda faoliyat yuritadi. Belbog'li kurash, bel olish kurashi, milliy kurash, sirim kurashi, shuningdek, sport kurashlari (erkin va yunon-rum kurashi). Umuman, yakkakurashlarda sport federaciyalari ko'pligini hisobga olib, MOQ qoshida Umid Ahmadjonov tashabbusiga binoan sharq yakkakurashlari departamenti tashkil qilinmoqda. Ushbu federaciyalarning barchasi ana shu departamentga azo bo'lishi lozim. 

 Uchrashuvni tashkil etishdan ko'zlangan asosiy maqsad ishni to'g'ri tashkil qilish, natijalar samaradorligini oshirish tizimini yaratish va xar bir kurash sport turlarini bitta maqsad sari birlashtirish, pirovardida esa Olimpiya terma jamoalari uchun munosib kurashchilar, polvonlar etishtirib berishni taminlashdan  iborat edi. Uchrashuv davomida Umid Ahmadjonov federaciya vakillaridan, murabbiylaridan ularni qiynayotgan muammolar haqida so'radi. Ular ham o'z navbatida sport turlarini yanada rivojlantirish bo'yicha takliflar bildirdilar. SHuni alohida takidlab o'tish lozimki, uchrashuvda federaciyalar faoliyati tanqidiy ruxda ko'rib chiqildi. Bundan buyon mamlakatda sport taraqqiyotiga to'sqinlik qiladigan, halal beradigan shaxslarga xalqaro meyoriy hujjatlar asosida sankciyalar qo'llanilishi, tegishli choralar ko'rilishi, hattoki umrbod sportdan chetlatish tizimi ishlab chiqilayotganini ham MOQ Prezidenti malum qilib o'tdi. Bu borada huquqshunoslar xalqaro normalar asosida tegishli meyoriy hujjatlarni tayyorlashmoqda.

 "Bundan buyon sportimiz rivojiga to'sqinlik qiluvchi "mutaxassislar"ni qattiq jazolaymiz. Buning uchun xalqaro talablarga mos keladigan alohida meyoriy hujjat ishlab chiqilmoqda", - dedi MOQ Prezidenti.

 Maqsad bitta: yakdil oila bo'lib, o'zbek sporti rivojini taminlash, mamlakatimiz sportining obro'sini jahonda ko'tarish va eng muhimi Olimpiya o'yinlariga qadar munosib sportchilarni terma jamoalarimizga etkazib berish.