Milliy olimpiya qo'mitasida “Bir jamoa” videoklipining taqdimoti bo'lib o'tdi

Klip namoyishi oldidan taniqli qo'shiqchi va rejisser, estradamizning yorqin yulduzlaridan biri Lola so'z olib, shunday dedi:

“Milliy olimpiya qo'mitasi, Paralimpiya associaciyasi va maktabgacha talim vazirligidan ushbu loyihani amalga oshirish bo'yicha taklif tushgach, ikkilanmasdan uni qabul qildim. CHunki bu men uchun yangi chorlov, o'ziga hos chaqiriq edi. 

Men klipda zamonaviy superqahramonlarni, barcha qiyinchiliklarga bardosh bera oladigan, irodasi mustahkam insonlarni aks ettirishni hohladim. Loyihada Rano SHodievani hisobga olmaganda birorta professional akterlar xizmatidan foydalanmadik. 

Aksincha, O'zbekiston paralimpiya terma jamoasi sportchilarini tasvirga olish ishlariga jalb qildik. Ular chindan ham qahramonlar. Bugun ushbu klipni tomosha qilib bunga o'zingiz ham amin bo'lasiz. Ularda nihoyatda mustahkam iroda, sabr-bardosh, xayotga bo'lgan ishonch va umid mujassam. Men biz bilan ushbu loyiha ustida ishlagan barcha-barchaga o'z minnatdorchiligimni izhor qilaman. O'ylaymanki, “Bir jamoa” loyihasi muxlislarga manzur keladi”.

Loyihada aytib o'tganimizdek, paralimpiyachi sportchilar, nufuzli xalqaro turnirlar g'oliblari qatnashishgan. Ular videomahsulot davomida o'z harakatlari bilan har qanday qiyinchilikni engib o'tish mumkinligi va muvaffaqiyatga etaklovchi yo'l og'ir ammo sharafli ekanligini namoyish etib berishadi. 

Takidlash lozimki, mazkur ijtimoiy loyiha qo'pgina paralimpiya sportchilari, imkoniyati cheklangan insonlar uchun yaxshigina motivacion xarakterga ega va yaqinda start oladigan ParaOsiyo o'yinlarida paralimpiyachilarimiz kuchiga kuch, g'ayratiga g'ayrat qo'shib, ularni yangidan yangi g'alabalar sari chorlashi shubhasiz.