“Milliy tiklanishdan milliy yuksalish sari” shiori ostida tadbir o'tkazildi

Ushbu ommaviy sport tadbiri dastlab poytaxtimizning Bektemir tumanida joylashgan 1-sonli BO'SM o'yingohida tashkil etildi. 

SHundan so'ng kechki dastur CHilonzor tumanidagi “G'afur G'ulom” va Yashnobod tumanidagi “Do'stlik” istirohat bog'larida davom etdi. Milliy olimpiya qo'mitasi hamda shahar Jismoniy tarbiya va sport boshqarmasi bilan hamkorlikda tashkil qilingan ushbu tadbirdagi barcha musobaqalar milliy o'yinlarimiz bo'yicha o'tkazildi. 

Bundan maqsad sog'lom turmush tarzini targ'ib qilish qatorida tobora yo'qolib borayotgan milliy o'yinlarimizni yoshlarimizga ham etkazish, ularning bo'sh vaqtlarini mana shunday harakatli o'yinlar bilan o'tishini taminlash bo'ladi. Takidlash joiz, bu tadbirning o'tishida O'zbek jang sanati federaciyasi faol ishtirok etdi.

Bellashuvlar davomida istalgan odam o'zini “arqon tortish”, “besh tosh”, “ot mindi”, “kim oladi”, “chillak”, “oshiq” kabi bir qator o'yinlarda o'zini sinab ko'rdi. Yuqori natija qayd etgan ishtirokchilar tabiiyki tashkilotchilarning esdalik sovg'alari bilan taqdirlanishdi. Tadbir yakuni kuy-qo'shiq va o'yin-kulguga ulanib ketdi.