Mintaqaviy forum mavzulari qiziqarli munozaralar bilan o'tdi

Tadbirning ikkinchi yarmida ishtirokchilarning maruza va taqdimotlari bo'yicha qiziqarli munozaralar o'tkazildi.

Ular orasida Qirg'iziston MOQning birinchi vice-prezidenti Kanat Amankulovning “Ko'chmanchilar o'yinlari”, “Osiyo bolalari” o'yinlari xalqaro qo'mitasi vice-prezidenti Marat Barievning mazkur tashkilot faoliyati, Rossiya MOQ Bosh kotibi Vladimir Sengleevning “Rossiya Federaciyasi sport jamoat birlashmalari faoliyatida pandemiya (COVID-19)ning salbiy oqibatlarini kamaytirish chora-tadbirlari to'g'risida”, Litva MOQ prezidenti Dayna Gudzinevichutening “Evropa Olimpiya qo'mitasi faoliyatiga MOQlarini jalb qilishning yangi yondashuvlari” kabi mavzulardagi chiqishlar ko'pchilikning diqqat-markazida bo'ldi.

Forum davomida Rossiya, Ukraina, Latviya, Ozarbayjon, Belarus, Qozog'iston MOQ vakillari ham mintaqamizda sportini hamjihatlikda rivojlantirish va boshqa mavzularda qiziqarli taqdimotlarini namoyish qilishdi.

Yakunda Forum koordinatori kun davomida qilingan maruza va taqdimotlar bo'yicha o'z fikrlarini bildirib, ishtirokchilarni bu bo'yicha keng munozaraga chorladi. Qatnashchilar mavzular bo'yicha turli fikrlar bildirdilar va hamkorlikni yangi bosqichga olib chiqish borasida fikr almashishdi.