28 iyu 08:02
Yangiliklar
Boks/MMA
Mirafzal Axtamovning LFA ligasidagi navbatdagi raqibi va jang sanasi malum
Yarimo'rta vazn toifasida o'zbekistonlik aralash yakkakurash ustasi Mirafzal Axtamovning keyingi jangi tafsilotlari malum bo'ldi.
Hamyurtimiz 2 avgust kuni AQSHning Nyu-York shtati, Salamanka shahrida bo'lib o'tadigan LFA 189 turnirida oktagonga chiqadi. O'sha kuni Mirafzalga amerikalik Jeffri Kreyg raqiblik qiladi.
Oqshomning markaziy jangi ayollar o'rtasida minimal vaznda LFA chempioni, rossiyalik Natasha Kuzyutina hamda Braziliya vakilasi Bruna Ellen o'rtasida kechadi.
Eslatib o'tamiz, Mirafzal Axtamov so'nggi jangini 2023 yil 17 noyabr kuni LFA 172 musobaqasi doirasida Keyt Dousonga qarshi o'tkazib, g'alaba qozongan edi. Uning hisobida jami 6 g'alaba va 1 durang bor.
Jeffri Kreyg esa faoliyati davomida 7 ta jang o'tkazib, 5 ta g'alaba va 2 ta mag'lubiyat qayd etgan.
Havola :
Manba : olamsport.com
Fikrlar