MOQ rahbari Turkiyada Najmiddin Bilol Erdogan bilan uchrashuv o'tkazdi

Safar davomida MOQ rahbari Xalqaro Etnosport konfederaciyasi hamda UNESCO yig'ilishida ham ishtirok etdi.

Yig'ilish davomida Turkiya yoshlar va sport vaziri, UNESCO kotibiyati vakili, Butunjahon Etnosport konfederaciyasi rahbari, shuningdek, maxsus maslahat qo'mitasi raisi so'zga chiqdi.

So'ngra Umid Ahmadjonov Butunjahon etnosport konfederaciyasi rahbari, Kamonchilar fondi vasiylik kengashi raisi, Turkiya yoshlar fondi Oliy maslahat kengashi azosi Najmiddin Bilol Erdogan bilan uchrashdi.

Yodingizda bo'lsa, Erdogan may oyida yurtimizga tashrif buyurgandi. O'shanda tomonlar bir qator masalalar bo'yicha kelishuvlarga erishgandilar. Bugungi uchrashuvda esa tomonlar o'zaro hamkorlikni kuchaytirish, aloqalarni yanada mustahkamlash, kamondan o'q otish sport turiga oid bir qator masalalarni muhokama qilishdi.

Milliy olimpiya qo'mitasi rahbari ertaga kamondan o'q otish bo'yicha xalqaro "Fotih kubogi" musobaqasini O'zbekistonda tashkil etish bo'yicha muzokaralar olib borishi kutilmoqda.