MOQ raisi bokschi va qilichbozlarimizning yig'iniga tashrif buyurdi

MOQ raisi Rustam SHoabdurahmonov Toshkent viloyatining “Yangiobod” va “Dukent” sport bazalarida Tokio-2020 Olimpiadasiga tayyorlanayotgan terma jamolarimizning yig'iniga tashrif buyurdi.

MOQ rahbari dastavval “Yangiobod”da bokschilarimiz bilan suhbatlashdi. Unda Tokio-2020 licenziyasini qo'lga kiritgan sportchilarimiz va ularning murabbiylari, federaciya mutasaddilari ishtirok etishdi. Suhbatda Rustam SHoabdurahmonov davlatimiz rahbarining Olimpiya o'yinlariga tayyorgarlik jarayonida sportchilarimizni qo'llab-quvvatlayotgani, ayniqsa, bokschilarimizdan yuqori natijalar kutayotganini aytib o'tdi. 

SHuningdek, Prezidentimiz tomonidan yurtimizda boksni rivojlantirish haqidagi yaqinda elon qilingan qarori, uning mazmun-mohiyati haqida gapirdi. MOQ rahbari uchrashuv davomida har bir bokschimiz bilan birma-bir ularning rejalari, ijtimoiy ahvoli, salomatligi bo'yicha gaplashib chiqdi. O'z navbatida, uchrashuvda federaciya bosh kotibi Murod Mamadaliev, terma jamoa bosh murabbiyi Marat Qurbonov va shifokor Dilshod Kazakov sportchilarimizning bugungi jismoniy holati va salomatligi haqida malumot berishdi.

Xabar berganimizdek, hozirda ushbu bazada xalqaro o'quv-mashg'ulot yig'ini olib borilmoqda. Unda Jazoir, Eron, Ozarbayjon, Iordaniya kabi terma jamoalar ham ishtirok etyapti. Suhbatdan so'ng MOQ raisi jamoalarning mashg'ulot jarayonini kuzatdi.

SHundan so'ng Rustam SHoabdurahmonov “Dukent” bazasiga bordi. U erda qilichbozlik bo'yicha terma jamoamiz yig'in olib bormoqda. MOQ hamda O'zbekiston qilichbozlik federaciyasi raisi bu erda ham licenziat sportchilarimizning har biri bilan yuzma-yuz, shundan so'ng murabbiylar va jamoaning boshqa vakillari bilan suhbatlashdi.

Takidlash joiz, qilichbozlik bo'yicha O'zbekiston terma jamoasi ilk bor Olimpiya o'yinlariga 3 ta yo'llanma qo'lga kiritib, o'z tarixida yangi sahifa ochgan. MOQ rahbari uchrashuvda jamoamiz uchun barcha kerakli sharoitlar yaratib berilishi, ularning tayyorgarligi hukumatimiz tomonidan qo'llab-quvvatlanayotganini takidladi.