MOQ raisi erkin kurashchilarimiz bilan kuch sinashdi FOTOGALEREYA

Bu kabi natijalarga boshqa sport turlarida ham erishish uchun astoydil harakat qilmoqdamiz. Ayollar kurashi bo'yicha Olimpiya o'yinlariga yo'llanma olish biz ko'zlayotgan ana shunday shunday marralardan biridir.

Anatoliy Ibragimov hamda Arsen SHarashenidze qo'l ostidagi sport kurashlari bo'yicha O'zbekiston ayollar terma jamoasi hozirda Tokio Olimpiadasi uchun yo'llanma beruvchi qitaviy va jahon miqyosdagi licenzion musobaqalarga hozirlik ko'rmoqda.

Sportchilarimizning mashg'uloti “Dinamo” sport majmuasida olib borilmoqda. Bugun MOQ raisi Rustam SHoabdurahmonov ushbu sport bazasiga tashrif buyurib, u erda shug'ullanayotgan kurashchilarimiz bilan uchrashdi.

Tashrif davomida Rustam SHoabdurahmonovga MOQ qoshidagi RSTIAM direktori Abdushukur Sadikov hamrohlik qildi.

Takidlash joiz, hozirda ushbu bazada erkin kurashchilarimiz ham mashg'ulot olib borishmoqda. Uchrashuvda har ikki jamoa vakillari bilan samimiy muloqot o'tkazilib, ularni qiynayotgan muammolar, echimini topmayotgan bazi masalalar haqida suhbatlashildi.

 MOQ raisi sportchilarimiz bilan gaplashar ekan, hukumatimizning sportni qo'llab-quvvatlashga katta etibor qaratayotgani haqida takidlab o'tdi.

Yakunda MOQ raisi murabbiylarimiz yordamida erkin kurash usullaridan birini o'zida sinab ko'rishga harakat qilgani uchrashuvning etiborli vaziyatlaridan biri bo'ldi.

Erkin kurashchilarimiz yangi mavsumga tayyorgarlikni Turkiya yig'inida davom ettirishsa, kurashchi qizlarimiz Ukrainada o'quv-mashg'ulot yig'inida bo'lishi rejalashtirilgan.

Ushbu yig'inlar aprel oyida Qozog'istonda o'tajak licenzion musobaqa uchun tayyorgarlik vazifasini bajarib beradi.