MOQ raisi JAR stadionidagi sharoitlar bilan tanishdi

Jismoniy tarbiya va sport vazirligi hamda O'zbekiston Milliy olimpiya qo'mitasi Parij-2024 yozgi Olimpiya o'yinlariga futbol bo'yicha Olimpiya terma jamoamizni hozirdan tayyorlash borasida O'zbekiston futbol associaciyasi bilan hamkorlik qilayotganidan xabaringiz bor.

MOQ raisi Rustam SHoabdurahmonov jamoaning uy uchrashuvlarini o'tkazish uchun nomzod stadionlardan biriga tashrif buyurdi. Poytaxtimizdagi «JAR» stadioni xalqaro talablarga javob bera oladigan, qulay sharoitlarga ega o'yingohlardan biri bo'lib, hozirda ushbu arenada hech bir klub o'z uy uchrashuvlarini o'tkazmaydi. 

«JAR» Pro-ligada to'p surishi kutilayotgan “Olimpik” jamoasining uy o'yinlarini o'tkazishga nomzod stadionlardan biri sifatida qaralmoqda. Tashrif davomida MOQ raisi stadionning bu boradagi imkoniyatlari bilan yaqindan tanishdi.

Malumki, hozir futbolda mavsumlar oralig'idagi tanaffus bo'lib, jamoalar bo'lajak chempionatga tayyorgarlik olib borishmoqda. Namanganning “Navbahor” klubi ayni paytda ushbu stadionda yig'in o'tkazyapti. Rustam SHoabdurahmonov tashrif chog'ida jamoa bosh murabbiyi No'mon Hasanov bilan uchrashib, Namangan klubiga yangi mavsumda omad tilab o'tdi.