MOQ vice-prezidenti Azizjon Kamilovni tabriklaymiz!

O'zbekiston dzyudo federaciyasi raisi, O'zbekiston Milliy olimpiya qo'mitasi vice-prezidenti, jonkuyar va fidoiy rahbar Azizjon Kamilov o'z tavallud ayyomini nishonlamoqda. 

Tan olish kerak, Azizjon Yakubjanovich federaciya rahbarligiga tayinlanganidan so'ng yurtimiz dzyudosidagi islohotlar yanada jonlandi. Dzyudochilarimiz tomonidan xalqaro musobaqalarda qo'lga kiritilayotgan natijalarda ham ijobiy tomonga o'sish kuzatildi. 

SHu yilning o'zida bir yo'la ikki dzyudochimiz Dyusseldorf "Katta Dubulg'a" turnirida oltin medalni qo'lga kiritdi. Bunday natija ancha yillardan beri kuzatilmayotgan edi. O'tgan yilgi Toshkent Gran-prisi ilk bor poytaxtimizdagi ko'p tarmoqli, muhtasham "Humo Arena"da yuqori saviyada tashkil etildi. 

Buni xalqaro ekspertlar ham etirof etishdi. Balki, shuning natijasi o'laroq yurtimizga ilk bor kattalar o'rtasidagi jahon chempionati mezbonligi ishonib topshirildi. Bu kabi muvaffaqiyatlarni uzoq sanash mumkin.       

Fursatdan foydalanib, murabbiylar shtabi, dzyudochilar, umuman, katta o'zbek dzyudo oilasi Azizjon Kamilovni har bir insonning hayotidagi unutilmas va o'zgacha kun - tavallud ayyom bilan chin qalbdan muborakbod etadi. Azizjon Yakubjanovichga sihat-salomatlik, oilaviy baxt, xotirjamlik, farzandlari rohatini ko'rib yurishlarini chin dildan tilaymiz. 

Nasib qilsa, biz birgalikda yana katta yutuqlarga erishamiz. Oldimizda to'rt yillikning eng nufuzli musobaqasi, undan avval esa Jahon chempionati hamda Toshkent Gran-Prisi kutib turibdi. Azizjon Yakubjanovich boshchiligidagi yurtimiz dzyudochilari ushbu musobaqalarda xalqimiz kutayotgan natijalarga erishish uchun astoydil harakat qiladi. 

G'alaba va omad yor bo'lsin! Yana bir bor tavallud ayyomingiz muborak bo'lsin!